ആലപ്പുഴ: ഐപിസി ആലപ്പുഴ വെസ്റ്റ് ഡിസ്ട്രിക്റ്റ് സംയുക്ത ആരാധന 2026 മാർച്ച് 01, ഞായർ രാവിലേ 08.30 മുതൽ ഹരിപ്പാട് എസ് & എസ് ഓഡിറ്റോറിയത്തിൽ നടത്തപ്പെടും.
രാവിലെ 08.30ന് പാസ്റ്റർ കെ. ജി പുന്നൂസ് അദ്ധ്യക്ഷത വഹിക്കുന്ന ആരാധനയിൽ കർത്തൃമേശ ശുശ്രൂഷയ്ക്ക് ഡിസ്ട്രിക്റ്റ് മിനിസ്റ്റർ പാസ്റ്റർ ഏബ്രഹാം ജോർജ് നേതൃത്വം നൽകും.
രാവിലെ 08.30 മുതൽ ഉച്ചയ്ക്ക് 01.00 വരെ നടത്തപ്പെടുന്ന സംയുക്ത ആരാധനയിൽ ഡിസ്ട്രിക്റ്റിലെ 55 സഭകളിൽ നിന്നുമുള്ള വിശ്വാസികൾക്കൊപ്പം 75 പേരടങ്ങുന്ന സുവിശേഷ ശുശ്രൂഷകർ പങ്കെടുക്കും.
1990 -91 കാലയളവിൽ അഞ്ച് സഭകളുമായി പാസ്റ്റർ ഏബ്രഹാം ജോർജിന്റെ നേതൃത്വത്തിൽ ആരംഭിച്ച പ്രവർത്തനം ഇന്ന് കൃപയാൽ ഐ.പി.സിയിലെ മൂന്നാമത്തെ ഏറ്റവും വലിയ ഡിസ്ട്രിക്റ്റായി ദൈവം വളർത്തി.
വടക്ക് ചേർത്തല മുതൽ തെക്ക് കായംകുളം വരെയും, കിഴക്ക് ചങ്ങനാശ്ശേരി പൂവം മുതൽ ആലപ്പുഴയുടെ തീരപ്രദേശം വരെയുള്ള സ്ഥലങ്ങളിൽ നിന്നുമുള്ള വിശ്വാസികൾ ആരാധനയിൽ പങ്കെടുക്കും.
പരമ്പരാഗത രീതിയിലുള്ള വാദ്യോപകരണങ്ങൾ ഉപയോഗിച്ചുള്ള സംയുക്ത ആരാധയിൽ പാസ്റ്റർ മോനി ചെന്നിത്തല സങ്കീർത്തനത്തിൽ നിന്നും പ്രബോധിപ്പിക്കും.
കർത്തൃമേശയ്ക്ക് ശേഷം നടക്കുന്ന പൊതുസമ്മേളനത്തിൽ ഡിസ്ട്രിക്റ്റ് സെക്രട്ടറി പാസ്റ്റർ മനേഷ് വർഗീസ് അദ്ധ്യക്ഷത നിർവഹിക്കും.
പാസ്റ്റർ ഫിലിപ്പ് പി. തോമസ് (ഐ.പി.സി ജനറൽ വൈസ് പ്രസിഡന്റ് ), പാസ്റ്റർ രാജൻ ഏബ്രഹാം (സ്പോൺസർ മിനിസ്റ്റർ), പാസ്റ്റർ ബാബു ചെറിയാൻ എന്നിവർ വചന ശുശ്രൂഷ നിർവഹിക്കും.
ഡിസ്ട്രിക്റ്റ് ട്രഷറർ ബ്രദർ സൈമൺ തോമസ്, ജോ. സെക്രട്ടറി ബ്രദർ കെ. ജോയി എന്നിവർ ആശംസകൾ അറിയിക്കും.
പുത്രിക സംഘടനകളുടെ ഓവറോൾ, വ്യക്തിഗത ചാമ്പ്യൻഷിപ്പ് നേട്ടങ്ങൾ കൈവരിച്ച സഭകൾക്കും / വ്യക്തികൾക്കുമുള്ളട്രോഫികൾ വേദിയിൽ വെച്ച് വിതരണം ചെയ്യും.
ഡിസ്ട്രിക്റ്റിനു പൊതു ആരാധന & അനുബന്ധ സൗകര്യങ്ങൾ നിർമ്മിക്കുവാൻ വേണ്ടി കഴിഞ്ഞ വർഷം മുതൽ ഡിസ്ട്രിക്റ്റ് കൺവൻഷൻ ഒഴിവാക്കി മുറ്റത്ത് കൺവൻഷനുകൾ വിവിധ സ്ഥലങ്ങളിൽ ക്രമീകരിക്കുകയായിരുന്നു.
52-മത് സംയുക്ത ആരാധനയ്ക്ക് പാസ്റ്റർ മനേഷ് വർഗീസ് (സെക്രട്ടറി), ബ്രദർ കെ. ജോയി (ജോ. സെക്രട്ടറി), ബ്രദർ സൈമൺ തോമസ് (ട്രഷറർ ) എന്നിവർ നേതൃത്വം നൽകും.
ആമേൻ ടി വിയിൽ തത്സമയം വീക്ഷിക്കാവുന്നതാണ്
പബ്ലിസിറ്റി കൺവീനർ,
ബ്രദർ വെസ്ലി പി. ഏബ്രഹാം
