കഴിഞ്ഞ മാസം കൊല്ക്കത്തയെ ഞെട്ടിച്ച മൂന്ന് കൊലപാതകങ്ങളെക്കുറിച്ചുള്ള പോലീസ് അന്വേഷണത്തില് നിർണായക വിവരങ്ങള് പുറത്ത്.
ഫെബ്രുവരി 19 നാണ് കൊല്ക്കത്തയുടെ പ്രാന്തപ്രദേശത്തുള്ള ടാംഗ്രയിലെ വീട്ടില് ഒരു കുടുംബത്തിലെ മൂന്ന് പേരെ മരിച്ച നിലയില് കണ്ടെത്തിയത്. രണ്ട് സഹോദരന്മാരും അവരില് ഒരാളുടെ മകനും ചേർന്ന് കാർ ഒരു തൂണില് ഇടിച്ച് ആത്മഹത്യയ്ക്ക് ശ്രമിച്ചപ്പോഴാണ് മൂന്നുപേരുടെ മരണ വിവരവും പുറത്ത് വന്നത്. ആശുപത്രിയില് വെച്ച് ചോദ്യം ചെയ്തപ്പോഴാണ് വീട്ടിലെ മൃതദേഹങ്ങളെക്കുറിച്ച് അവർ പോലീസിനോട് വെളിപ്പെടുത്തിയത്. സുദേഷ്ണ ഡേയുടെയും, സഹോദരി ഭാര്യ റോമി ഡേയുടെയും, റോമിയുടെ 14 വയസ്സുള്ള മകളുടെയും മരണത്തിന് കാരണമായത് 16 കോടി രൂപയുടെ ഭീമമായ കടബാധ്യതയാണെന്നാണ് പോലീസിന്റെ വെളിപ്പെടുത്തല്. റോമിയുടെ ഭർത്താവും ബിസിനസുകാരനുമായ പ്രസൂണ് ഡേയാണ് മൂവരെയും കൊലപ്പെടുത്തിയതെന്ന് സമ്മതിച്ചിട്ടുണ്ട്.
ഫെബ്രുവരി 17 ന്, ആറ് പേരടങ്ങുന്ന കുടുംബം ഭക്ഷണത്തില് ഉറക്ക ഗുളിക കലർത്തി കഴിച്ചു. എന്നാല് മരണം സംഭവിച്ചില്ല. അപ്പോഴാണ് സഹോദരന്മാരും അവരുടെ ഭാര്യമാരും പ്ലാൻ ബിയിലേക്ക് മാറിയത്. പരസ്പരം സഹായിച്ച് ജീവിതം അവസാനിപ്പിക്കാൻ അവർ തീരുമാനിച്ചതായി വൃത്തങ്ങള് കൂട്ടിച്ചേർത്തു. ഇവരുടെ ഈ ഉടമ്ബടിയെ കുറിച്ച് കുട്ടികള്ക്ക് അറിയില്ലായിരുന്നു.
ചോദ്യം ചെയ്യലില്, ഭാര്യയുടെ സഹായത്തോടെ തലയിണ ഉപയോഗിച്ച് ശ്വാസം മുട്ടിച്ചാണ് മകളെ കൊലപ്പെടുത്തിയതെന്ന് പ്രസൂണ് ഡേ പറഞ്ഞു. തുടർന്ന് ഭാര്യ റോമി മകളുടെ കൈത്തണ്ട മുറിച്ചു. തുടർന്ന് തന്റെ സഹോദരി ഭാര്യയെയും അതേ രീതിയില് കൊലപ്പെടുത്തിയതായി വൃത്തങ്ങള് പറഞ്ഞു.
പിന്നാലെ പ്രസൂണ് ഡേ തന്റെ സഹോദരനും മരുമകനുമൊത്ത് കാറില് പുറപ്പെടുകയും പുലർച്ചെ 3 മണിക്ക് കാർ ഒരു തൂണില് ഇടിച്ചു കയറ്റി ആത്മഹത്യയ്ക്ക് ശ്രമിക്കുകയും ചെയ്തു. പ്രസൂണ് ഡേയുടെ ചോദ്യം ചെയ്യലില് കുടുംബം 16 കോടി രൂപയുടെ വൻ കടബാധ്യതയിലാണെന്ന് വ്യക്തമായി. അവരുടെ മൂന്ന് കാറുകളില് രണ്ടെണ്ണത്തിന് 47 ലക്ഷം രൂപയുടെ ഇഎംഐയും കുടിശ്ശികയുണ്ടായിരുന്നുവെന്ന് റിപ്പോർട്ടില് പറയുന്നു.
ആശുപത്രിയില് നിന്ന് പുറത്തിറങ്ങിയ ശേഷം കൊല്ക്കത്ത പോലീസ് മണിക്കൂറുകളോളം ചോദ്യം ചെയ്തതിന് ശേഷമാണ് പ്രസൂണ് ഡേയെ ഇന്നലെ അറസ്റ്റ് ചെയ്തത്. ഇന്ന് രാവിലെ കോടതിയില് ഹാജരാക്കിയ ഇയാളെ മാർച്ച് 6 വരെ പോലീസ് കസ്റ്റഡിയില് വിട്ടു.
