ഉത്തർ പ്രദേശില് നിയമസഭ കാർപെറ്റില് ഗുഡ്ക ചവച്ചു തുപ്പിയ എംഎല്എക്ക് പിഴ ഈടാക്കി സ്പീക്കർ സതീഷ് മഹാന. കർപ്പെറ്റ് വൃത്തിയാക്കാനുള്ള ചെലവ് എംഎല്എയില് നിന്നും ഈടാക്കും എന്ന് സ്പീക്കർ വ്യക്തമാക്കി.
എംഎല്എയെ പേര് വെളിപ്പെടുത്തി അപമാനിക്കുന്നില്ലെന്നും സ്പീക്കർ വ്യക്തമാക്കി. പ്രദേശം വൃത്തിയാക്കുന്നതിന് താൻ വ്യക്തിപരമായി മേല്നോട്ടം വഹിച്ചതായി അദ്ദേഹം പറഞ്ഞു. സഭാ നടപടികള് ആരംഭിക്കുന്നതിന് മുമ്ബ് സഭയെ അഭിസംബോധന ചെയ്തുകൊണ്ട് ശുചിത്വം പാലിക്കേണ്ടതിന്റെ പ്രാധാന്യം ഊന്നിപ്പറഞ്ഞു.
ഇന്ന് രാവിലെ, നമ്മുടെ സഭയുടെ ഹാളില്, ചില അംഗങ്ങള് പാൻ മസാല കഴിച്ച ശേഷം തുപ്പിയതായി എനിക്ക് വിവരം ലഭിച്ചു. ഞാൻ അത് വൃത്തിയാക്കി. വിഡിയോയില് തുപ്പിയ എംഎല്എയെ ഞാൻ കണ്ടു. എന്നാല് ആരെയും അപമാനിക്കാൻ ഞാൻ ആഗ്രഹിക്കുന്നില്ല. അതിനാല്, ഞാൻ അവരുടെ പേര് പരാമർശിക്കുന്നില്ല.
ഈ നിയമസഭ വൃത്തിയായി സൂക്ഷിക്കുക എന്നത് നമ്മുടെ ഉത്തരവാദിത്തമാണ്. ചോദ്യം ചെയ്യപ്പെടുന്ന എംഎല്എ വന്ന് ഇത് അവർ ചെയ്തുവെന്ന് എന്നോട് പറഞ്ഞാല് അത് നല്ലതായിരിക്കും, അല്ലെങ്കില്, ഞാൻ അവരെ നേരിട്ട് വിളിക്കുമെന്ന് അദ്ദേഹം പറഞ്ഞു.
