മുംബൈ: മദ്യപിച്ച്‌ ബസില്‍ കയറിയ യാത്രക്കാരൻ സ്റ്റിയറിങ് വീല്‍ പിടിച്ചുതിരിച്ചതിനെ തുടർന്ന് നിയന്ത്രണം വിട്ട വാഹനം ഒൻപത് കാല്‍നട യാത്രക്കാരെ ഇടിച്ചിട്ടു.
പരിക്കേറ്റവരില്‍ മൂന്ന് പേരുടെ നില ഗുരുതരമാണ്. ഞായറാഴ്ച വൈകുന്നേരം മുംബൈയിലാണ് സംഭവം. കാല്‍നട യാത്രക്കാർക്ക് പുറമെ കാറുകളിലും ഇരുചക്ര വാഹനങ്ങളിലുമെല്ലാം ബസ് ഇടിച്ചു.
പരിക്കേറ്റവരില്‍ മൂന്ന് പേരുടെ നില ഗുരുതരമാണ്. ഞായറാഴ്ച വൈകുന്നേരം മുംബൈയിലാണ് സംഭവം. കാല്‍നട യാത്രക്കാർക്ക് പുറമെ കാറുകളിലും ഇരുചക്ര വാഹനങ്ങളിലുമെല്ലാം ബസ് ഇടിച്ചു.
ബൃഹൻമുംബൈ ഇലക്‌ട്രിക് സപ്ലൈ ആന്റ് ട്രാൻസ്പോർട്ട് കമ്പനിയുടെ (ബെസ്റ്റ്) കീഴിലുള്ള ഇലക്‌ട്രിക് ബസാണ് ലാല്‍ബൗഗിന് സമീപം അപകടത്തില്‍ പെട്ടത്. മദ്യപിച്ച്‌ ബസില്‍ കയറിയ ഒരാള്‍ ഡ്രൈവറുമായി തർക്കിക്കുകയായിരുന്നു.
റൂട്ട് നമ്പർ 66ല്‍ സഞ്ചരിക്കുകയായിരുന്ന ബസിലാണ് സംഭവമുണ്ടായതെന്ന് കാലാചൗകി പൊലീസ് സ്റ്റേഷനിലെ ഉദ്യോഗസ്ഥർ പറഞ്ഞു. തർക്കത്തിനിടെ ബസ് ഗണേഷ് ടാക്കീസിന് സമീപം എത്തിയപ്പോള്‍ പെട്ടെന്ന് എഴുന്നേറ്റ് ഇയാള്‍ വാഹനത്തിന്റെ സ്റ്റിയറിങില്‍ പിടിച്ചുതിരിക്കുകയായിരുന്നു.
അപ്രതീക്ഷിത നീക്കത്തില്‍ ഡ്രൈവർക്ക് ബസിന്റെ നിയന്ത്രണം നഷ്ടമായതോടെ റോഡിലുണ്ടായിരുന്ന രണ്ട് ബൈക്കുകളെയും ഒരു കാറിനെയും ഇടിച്ചു. നിരവധി കാല്‍നട യാത്രക്കാരെയും വാഹനം ഇടിച്ചു. ഇവരില്‍ ഒൻപത് പേർക്ക് പരിക്കേറ്റു.
പരിക്കേറ്റ മൂന്ന് പേരുടെ നില ഗുരുതരമാണ്. ഇവരെ നഗരത്തിലെ വിവിധ ആശുപത്രികളില്‍ പ്രവേശിപ്പിച്ച്‌ ചികിത്സ നല്‍കി വരുന്നു. യാത്രക്കാരനെ പൊലീസ് കസ്റ്റഡിയിലെടുത്തു. സംഭവത്തില്‍ അന്വേഷണം നടക്കുകയാണെന്ന് ഉദ്യോഗസ്ഥർ അറിയിച്ചു.
