പാസ്റ്റർ ജോർജ് കെ. സ്റ്റീഫൻസൺ (പിസിനാക് നാഷണൽ കൺവീനർ)
കാനം അച്ചൻ യഥാർത്ഥത്തിൽ വിശ്വാസത്തിൻ്റെ ഒരു അതികായനായിരുന്നു-അഭിനിവേശമുള്ള ഒരു സുവിശേഷകൻ, ഉൾക്കാഴ്ചയുള്ള ഒരു ഗ്രന്ഥകർത്താവ് എന്ന നിലയിൽ ഒക്കെ ശ്രദ്ധേയനായ ദൈവപുരുഷനുമായിരുന്നു.
കായംകുളം എംഎസ്എം കോളേജിൽ ഞങ്ങളുടെ പ്രയർ ഗ്രൂപ്പ്‌ കോളേജ് വിദ്യാർത്ഥികൾക്കായി സംഘടിപ്പിച്ച ഏകദിന സമ്മേളനത്തിൽ സംസാരിക്കാൻ വന്ന ദിവസം ഞാൻ സ്നേഹത്തോടെ ഓർക്കുന്നു. ഹെബ്രോൻ ബൈബിൾ കോളേജിലെ വിദ്യാർത്ഥിയായിരിക്കെ, കുമ്പനാടിനടുത്തുള്ള കൺവെൻഷനുകളിൽ അദ്ദേഹത്തിൻ്റെ ശക്തമായ സന്ദേശം കേൾക്കാനുള്ള അവസരം എനിക്കും എൻ്റെ സുഹൃത്തുക്കൾക്കും ലഭിച്ചു. അദ്ദേഹത്തിൻ്റെ പഠിപ്പിക്കലുകളും ലേഖനങ്ങളും പുസ്തകങ്ങളും വിജ്ഞാനപ്രദവും എൻ്റെ ആത്മീയയാത്രയെ വളരെയധികം സ്വാധീനിച്ചതുമാണ്.
അച്ഛന്റെ വിയോഗത്തിൽ ദുഃഖിതരായിരിക്കുന്ന കുടുംബങ്ങൾക്കും സഭാ വിശ്വാസികൾക്കും ഉണ്ടായ അഗാധമായ നഷ്ടത്തിൽ ഞങ്ങളും പങ്കു ചേരുന്നു. PCNAK 2026, ടീമിനും, ഷിക്കാഗോയിലെ സെലിബ്രേഷൻ ചർച്ചിനും വേണ്ടി, ഞങ്ങൾ ഞങ്ങളുടെ അഗാധമായ ദുഃഖവും പ്രത്യാശയും അറിയിക്കുന്നു.
