ഹൂസ്റ്റൺ: നിനയാത്ത നാഴികയിൽ ഒരുങ്ങി കാത്തിരിക്കുന്നവർക്കായുള്ള ആർപ്പുവിളി മുഴങ്ങികേൾക്കാൻ സമയമായി. വിളക്കിൽ എണ്ണയുമായി കാത്തിരിക്കുന്നവർ ജഡത്തിൻ്റെ പ്രവർത്തികളിലൂടെ എണ്ണ നഷ്ടമാക്കരുത്. അത്മ മണവാളനുമായി ബന്ധമുള്ളവർ ആർപ്പുവിളി കേൾക്കാൻ ഒരുങ്ങുക എന്ന ആഹ്വാനത്തോടെ അസംബ്ലീസ് ഓഫ് ഗോഡിൻ്റെ 28-ാം ഫാമിലി കോൺഫ്രൻസ് ഹൂസ്റ്റണിൽ തുടക്കമായി.
നാഷണൽ കൺവീനർ റവ തോമസ് ഏബ്രഹാം ഉദ്ഘാടനം നിർവ്വഹിച്ചു. റവ. സാം പണിക്കർ ഫ്ലോറിഡ അധ്യക്ഷതവഹിച്ച സമ്മേളനത്തിൽ റവ.ബഥേൽ സാമുവൽ സങ്കീർത്തനം വായിച്ചു. ലോക്കൽ കോ- ഓർഡിറേറ്റർ ജോൺ ലൂക്കോസ് സ്വാഗതം പറഞ്ഞു.
റവ. ജോ തോമസ്, റവ കിപ്ലിംഗ് ബാച്ചിലർ എന്നിവർ പ്രസംഗിച്ചു. റവ.നദാൻ റൗസ് ആശംസ അറിയിച്ചു. ഡോ. ടോം ഫിലിപ്പിൻ്റെ നേതൃത്വത്തിൽ സംഗീത ശുശൂഷ നടത്തി. റവ. ബിനു ജോൺ , രാജൻ ഏബ്രഹാം, റവ . ജോൺ സി.ഡാനിയൽ എന്നിവർ പ്രാർത്ഥിച്ചു.
ജർമ്മനിയിലെ ' കായംകുളം കൊച്ചുണ്ണി' | മായാത്ത സ്മരണ
