പാസ്റ്റർ ബാബു തോമസ് ന്യൂയോർക്ക്
എഫെസ്യർ 5:21, “ക്രിസ്തുവിനോടുള്ള ഭയത്താൽ (ബഹുമാനത്തിൽ) അന്ന്യോന്യം കീഴടങ്ങുക”, എല്ലാ ക്രിസ്ത്യാനികൾക്കും പരസ്പര കീഴടങ്ങലിന്റെ ഒരു തത്വം സ്ഥാപിക്കുന്നു. അതിൽ ഇണകളും ഉൾപ്പെടുന്നു. 22-33 വാക്യങ്ങൾ പ്രത്യേക റോളുകൾ(കടമകൾ) വിവരിക്കുന്നു.
ഭാര്യമാർ ഭർത്താക്കന്മാർക്ക് കീഴടങ്ങുക, ഭർത്താക്കന്മാർ ഭാര്യമാരെ ത്യാഗപൂർവ്വം സ്നേഹിക്കുക – 21-ാം വാക്യം അടിസ്ഥാന കൽപ്പനയായി വർത്തിക്കുന്നു. ഭർത്താക്കന്മാർ സ്വയം സേവന തത്പരാകുകയും ഭാര്യമാരെ സ്നേഹിക്കുകയും അവരുടെ നല്ല താല്പര്യങ്ങൾ സംരക്ഷിക്കപ്പെടുകയും പരിഗണിക്കുകയും ചെയ്യണമെന്ന് ഇത് സൂചിപ്പിക്കുന്നു.
പരസ്പര കീഴടങ്ങൽ (വാക്യം 21): ഈ വാക്യം താഴെപ്പറയുന്ന കൽപ്പനകൾക്ക് വേദിയൊരുക്കുന്നു, സഭയിലും, വീട്ടിലും സമൂഹത്തിലും, എല്ലാ ക്രിസ്തിയാനികളും അനുഷ്ഠിക്കേണ്ട ഒരു പൊതു തൗത്വമാണിതെന്നു എഫെസ്യർ 5:18 മുതൽ ഉള്ള വാക്യങ്ങൾ ശരിയായ പഠനം നടത്തിയാൽ ഗ്രഹിക്കാവുന്നതേയുള്ളു.
ഭർത്താവിന്റെ പങ്ക് (വാക്യം 25-33): ഭർത്താവ് തന്റെ ഭാര്യയെ ക്രിസ്തു സഭയെ സ്നേഹിച്ചതുപോലെ സ്നേഹിക്കാൻ ആഹ്വാനം ചെയ്യുന്നു.
ഭാര്യയുടെ പങ്ക് (വാക്യം 22-24): ഭാര്യമാർ കർത്താവിനു കീഴടങ്ങുന്നതുപോല, ഭർത്താവു ഭാര്യയുടെ തലയായ്തീനാൽ ഭർത്താക്കന്മാർക്ക് കീഴടങ്ങാൻ നിർദ്ദേശിക്കപ്പെട്ടിരിക്കുന്നു.
എഫെസ്യർ 5: 21-ാം-വാക്യത്തെ ആസ്പതമാക്കിയുക്കിയുള്ള ഒരു പ്രസംഗം ഈയടുത്ത സമയത്തു ഒരു വിവാഹ ശുശ്രുഷയിൽ പ്രമുഖനായ ഒരു വ്യക്തി പ്രസ്താവിക്കുന്നത് കേൾക്കുവാനിടയായി. 21-ാം വാക്യത്തിന്റെ അദ്ദേഹത്തിന്റെ വ്യാഖ്യാനം പിഴവുള്ളതായിരുന്നു.
തമ്മിൽ തമ്മിൽ കിഴ്പെട്ടിരിക്കുക എന്നത് ഭർത്താവും ഭാര്യക്ക് കീഴ്പെടണമെന്നും, “ഭർത്താവ് ഭാര്യയുടെ തല” എന്നത് മുഖ്യ സേവകൻ (Chief Servant) എന്ന അര്ഥത്തിലാണെന്നുമുള്ള വാദങ്ങൾ ദുർബല വ്യഖ്യാനങ്ങളാണ്. ഇത് സ്ത്രീ സമത്വവാദികളുടെയും(Egalitarianist), ഫെമിനിസ്റ്റുകളുടെയും ആശയമാണ്. പരസ്പര സമർപ്പണ വീക്ഷണത്തെ സമത്വവാദം എന്ന് വിളിക്കുന്നു. ആ വീക്ഷണം, ബൈബിളിന് നിരക്കാത്തതാണ്. അത് തിരുവെഴുത്തുകൾക്ക് നേർവിപരീതമാണ്.
ഇത് വ്യക്തമായും പ്രായോഗികമല്ല. മിക്ക സമത്വവാദികളും വചനം വളച്ചൊടിക്കുന്നവരാണ്.
വിശുദ്ധ ബൈബിളിലിൽ എല്ലാത്തിനും ഒരു ക്രമമുണ്ട്. കുടുംബം, സഭ, സമൂഹം എന്നിവയെല്ലാം അനുഷ്ഠിക്കേണ്ട തൗത്വങ്ങൾ ഇതിൽ രേഖപ്പെടുത്തിയിട്ടുണ്ട്. അത് ശരിയായി ഗ്രഹിക്കാതെ പോകുന്നതാണ് ഇന്നത്തെ വലിയ പ്രശ്നം.
സ്ത്രീയുടെ തല പുരുഷൻ, പുരുഷന്റെ തല ക്രിസ്തു, ക്രിസ്തുവിന്റെ തല ദൈവം എന്നതാണ് തിരുവചന ക്രമം. കൂടാതെ, തമ്മിൽ തമ്മിൽ കീഴ്പെടുക എന്നതിനാൽ ഭാര്യയ്ക്കു കീഴ്പ്പെട്ടു ഭർത്താവും ഇരിക്കണം എന്നോ, ഭാര്യയുടെ തല ഭർത്താവെന്നുള്ളത് ‘പ്രധാന സേവകൻ (Chief Servant)’ എന്ന അർത്ഥത്തിലാണെന്നല്ല (മുൻപ് പലരും ഇതുപോലെ ക്രമം തെറ്റിച്ചു പ്രസ്താവിക്കുന്നത് കേട്ടിട്ടുണ്ട്. ചിലരെ തിരുത്തിയിട്ടുമുണ്ട്).
തല എന്നതിന് മൂല ഭാഷയിൽ (കേഫാലെ) എന്നപഥമാണ് ഉള്ളത്. ഇതിന്റെ അർഥം ഉത്തരവാദിത്വത്തെ ചിത്രീകരിക്കുന്നതാണ്. ക്രിസ്തു സഭയുടെ (തല) നാഥനാണ്. പിതാവ് ക്രിസ്തുവിന്റെ (തല) നാഥനാണ്. അപ്പോൾ ഭർത്താവു ഭാര്യയുടെ നാഥൻ എന്നാണ് മനസ്സിലാക്കേണ്ടത്. ദുർവ്യഖ്യാനങ്ങൾ നടത്തി ആൾക്കാരെ ആശയ വിസ്മയ സ്ഫോടനത്തിലൂടെ അമ്പരപ്പിക്കുന്നവർ ദൈവ സഭക്ക് ആപത്താണ്.
എഫെസ്യർ 5:21, “…ദൈവഭയത്തിൽ പരസ്പരം കീഴടങ്ങുക” എന്നത് 18-ാം വാക്യത്തിൽ ആരംഭിച്ച ഒരു നീണ്ട വാക്യത്തിന്റെ അവസാനമാണ്. 21-ാം വാക്യത്തിനുശേഷം ഒരാൾ മറ്റൊരാളോട് കീഴടങ്ങേണ്ട ബന്ധങ്ങളുടെ മൂന്ന് ഉദാഹരണങ്ങൾ ഉണ്ട്: ഭാര്യമാർ ഭർത്താക്കന്മാർക്ക് (5:22–33), കുട്ടികൾ മാതാപിതാക്കൾക്ക് (6:1–4), അടിമകൾ യജമാനന്മാർക്ക് (6:5–9).
“കീഴടങ്ങൽ എന്നാൽ താഴ്ന്ന നിലയല്ല. ഭർത്താവ് വീടിന്റെ തലവനാണെന്ന് ഭാര്യതിരിച്ചറിയുകയും അയാളുടെ അധികാരം സ്വയം കവർന്നെടുക്കാതെ അതിനനുസരിച്ച് അവനോട് സഹകരിക്കുകയും ചെയ്യുന്നു എന്നാണ് ഇതിനർത്ഥം” (‘എഫെസ്യർ’ ബൈബിൾ നോളജ് കമന്ററിയിൽ, പേജ് 640–41).
നാൻസി എൽ. ഡെമോസ് തന്റെ “ലൈസ് വിമൻ ബിലീവ്” എന്ന പുസ്തകത്തിൽ കീഴ്പ്പെടലിന് പിന്നിലെ തത്ത്വങ്ങൾ സംഗ്രഹിക്കുന്നു: “ഭർത്താക്കന്മാരുടെ കീഴിൽ സ്വയം സമർപ്പിക്കുന്നതിൽ പല ക്രിസ്തീയ ഭാര്യമാരും പരാജയപ്പെടുന്നതാണ്, അധികാരം പല സ്ത്രീകളും അവരുടെ മനസ്സിലും ഇച്ഛയിലും വികാരങ്ങളിലും സാത്താന്റെ ആക്രമണത്തിന് ഇരയാകാൻ കാരണമാകുന്നത് എന്ന് ഞാൻ വിശ്വസിക്കുന്നു. വലിയ കാര്യങ്ങളിലായാലും നിസ്സാരമെന്ന് തോന്നുന്ന മേഖലകളിലായാലും അധികാരത്തിൽ നിന്ന് പുറത്തുവരുമ്പോൾ, നമ്മൾ ശത്രുവിന് “ന്യായമായ കളിപ്പാവയായി മാറുന്നു.”
