കുമ്പനാട് : പി.വൈ.പി.എ കേരള സ്റ്റേറ്റിന് പുതിയ ഭാരവാഹികളെ തിരഞ്ഞെടുത്തു. ജസ്റ്റിൻ നെടുവേലിൽ (പ്രസിഡന്റ്), സന്ദീപ് വിളമ്പുകണ്ടം (വൈസ് പ്രസിഡന്റ്), ഇവാ. അഡ്വ. ജോൺലി ജോഷി (വൈസ് പ്രസിഡന്റ്), ലിജോ സാമുവേൽ (സെക്രട്ടറി), ബേസിൽ അറക്കപ്പടി (ജോയിന്റ് സെക്രട്ടറി), മാത്യു വർഗീസ് (ജോയിന്റ് സെക്രട്ടറി), ആശിഷ് മാത്യു (ട്രഷറർ), ഫിന്നി മാത്യു (പബ്ലിസിറ്റി കൺവീനർ) എന്നിവരെ തിരഞ്ഞെടുത്തു.
തിരുവനന്തപുരം മുതൽ കാസർഗോഡ് വരെ 14 മേഖലകളിലായുള്ള 3000 പരം പ്രാദേശിക യൂണിറ്റുകൾ ഉൾപ്പെടുന്നതാണ് കേരള സ്റ്റേറ്റ് പി.വൈ.പി.എ. പ്രസിഡണ്ട് ജസ്റ്റിൻ നെടുവേലിൽ, കുമ്പനാട് സെന്ററിലെ ഐ.പി.സി. മാരാമൺ സഭാംഗമാണ്.
കേരള സർവകലാശാലയിൽനിന്ന് ബി.ടെക് ബിരുദം നേടിയിട്ടുണ്ട്. 2009 മുതൽ നീണ്ട 17 വർഷമായി പി.വൈ.പി.എ. സംസ്ഥാന സമിതിയിൽ സജീവമായി പ്രവർത്തിച്ചുവരുന്നു. സംസ്ഥാന സെക്രട്ടറി, ട്രഷറർ എന്നീ സുപ്രധാന ചുമതലകളിലും സേവനമനുഷ്ഠിച്ചിട്ടുണ്ട്.
കൂടാതെ, കുമ്പനാട് സെന്റർ പി.വൈ.പി.എ. പ്രസിഡന്റ്, വൈസ് പ്രസിഡന്റ് എന്നീ നിലകളിലും, പത്തനംതിട്ട മേഖല പി.വൈ.പി.എ. ജോയിന്റ് സെക്രട്ടറിയായും പ്രവർത്തിച്ചിട്ടുണ്ട്. ഭാര്യ: ഗ്ലാഡി സാം. മക്കൾ: ലൂക്ക്, ലെവി, ലോറ
വൈസ് പ്രസിഡന്റ് സന്ദീപ് വിളമ്പുകണ്ടം, വയനാട് കൽപ്പറ്റ സെന്ററിലെ ഐ.പി.സി. താബോർ വിളമ്പുകണ്ടം സഭാംഗമാണ്. കണ്ണൂർ സർവകലാശാലയിൽനിന്ന് ബി.ടെക് ബിരുദം നേടിയിട്ടുണ്ട്. പി.വൈ.പി.എ. മുൻ സംസ്ഥാന ജോയിന്റ് സെക്രട്ടറിയായ അദ്ദേഹം, 2015 മുതൽ സംസ്ഥാന സമിതി അംഗമായി പ്രവർത്തിച്ചുവരുന്നു. കൽപ്പറ്റ സെന്റർ പി.വൈ.പി.എ. സെക്രട്ടറി, പ്രസിഡന്റ്, വയനാട് മേഖല സെക്രട്ടറി, പി.വൈ.പി.എ. മലബാർ കോ-ഓർഡിനേഷൻ ജോയിന്റ് സെക്രട്ടറി, ട്രഷറർ എന്നീ വിവിധ ചുമതലകളും വഹിച്ചിട്ടുണ്ട്. നിലവിൽ ഐ.പി.സി. കേരള സ്റ്റേറ്റ് കൗൺസിൽ അംഗമായും, ഗുഡ്ന്യൂസ് വാരികയുടെ റസിഡന്റ് എഡിറ്ററായും പ്രവർത്തിക്കുന്നു. ഭാര്യ: ഗ്രേസ് ജോബ്
വൈസ് പ്രസിഡന്റ് സുവി. അഡ്വ. ജോൺലി ജോഷി, മൂന്നാർ സെന്ററിലെ ഐ.പി.സി. ബെഥേൽ സഭാ ശുശ്രൂഷകനാണ് അദ്ദേഹം. മഹാത്മാഗാന്ധി സർവകലാശാലയിൽനിന്ന് ബി.എ. എൽ.എൽ.ബി. ബിരുദവും, ഏഷ്യൻ തിയോളജിക്കൽ അസോസിയേഷനിൽനിന്ന് എം.Th. ബിരുദവും നേടിയിട്ടുണ്ട്. 2004 മുതൽ നീണ്ട 22 വർഷമായി ഇടുക്കി ജില്ലയിലെ പി.വൈ.പി.എ. പ്രവർത്തനരംഗത്തെ സജീവസാന്നിധ്യമാണ്. ഇടുക്കി മേഖല പ്രസിഡന്റ്, വൈസ് പ്രസിഡന്റ്, സെക്രട്ടറി എന്നീ നിലകളിൽ പ്രവർത്തിച്ചിട്ടുണ്ട്. പി.വൈ.പി.എ. സംസ്ഥാന സമിതി അംഗമായും സേവനമനുഷ്ഠിച്ചിട്ടുണ്ട്. നിലവിൽ ഐ.പി.സി. കേരള സ്റ്റേറ്റ് പ്രെസ്ബിറ്ററി അംഗവും, ഐ.പി.സി. ഇടുക്കി മേഖല സെക്രട്ടറിയുമാണ്. ഭാര്യ: രമ്യ
മക്കൾ: ജയ്റസ്, ജെറമിയ
സെക്രട്ടറി ലിജോ സാമുവേൽ, അടൂർ വെസ്റ്റ് സെന്ററിലെ ഐ.പി.സി. ഹെബ്രോൻ തെങ്ങമം സഭാംഗമാണ്. ബി.ടെക് ബിരുദധാരിയായ ഞാൻ നിലവിൽ എറണാകുളം ഇൻഫോപാർക്കിലെ ThoughtFocus കമ്പനിയിൽ ഐ.ടി. മാനേജറായി സേവനമനുഷ്ഠിക്കുന്നു. പി.വൈ.പി.എ. കേരള സ്റ്റേറ്റ് ജോയിന്റ് സെക്രട്ടറിയായി പ്രവർത്തിച്ചിട്ടുണ്ട്. രണ്ട് തവണ അടൂർ വെസ്റ്റ് സെന്റർ പി.വൈ.പി.എ. സെക്രട്ടറിയായും സേവനമനുഷ്ഠിച്ചു. നിലവിൽ അടൂർ വെസ്റ്റ് സെന്റർ പി.വൈ.പി.എ. പ്രസിഡന്റായും പ്രവർത്തിക്കുന്നു. ഭാര്യ: മീനു മോളി രാജൻ (സോഫ്റ്റ്വെയർ എൻജിനീയർ, ഇൻഫോപാർക്ക്, കൊച്ചി). മകൻ: നാഥൻ സാം ലിജോ
ജോയിന്റ് സെക്രട്ടറി ബേസിൽ ബേബി, പെരുമ്പാവൂർ സെന്ററിലെ ഐ.പി.സി. അറക്കപ്പടി സഭാംഗമാണ്. പി.വൈ.പി.എ. സംസ്ഥാന സമിതി അംഗമായി പ്രവർത്തിച്ചിട്ടുണ്ട്. പെരുമ്പാവൂർ സെന്റർ പി.വൈ.പി.എ. പബ്ലിസിറ്റി കൺവീനർ, ജോയിന്റ് സെക്രട്ടറി, സെക്രട്ടറി, വൈസ് പ്രസിഡന്റ്, പ്രസിഡന്റ് എന്നീ വിവിധ നിലകളിൽ സേവനമനുഷ്ഠിച്ചിട്ടുണ്ട്.
പി.വൈ.പി.എ. സോണൽ ജോയിന്റ് സെക്രട്ടറി, വൈസ് പ്രസിഡന്റ് എന്നീ ചുമതലകളും വഹിച്ചിട്ടുണ്ട്. നിലവിൽ ഐപിസി കേരള സ്റ്റേറ്റ് കൗൺസിൽ അംഗമാണ്. ഭാര്യ: എൽസ ബേസിൽ. മക്കൾ: ജോവാഷ്, ജോസൈയാ, ജോഹന്നാ
ജോയിന്റ് സെക്രട്ടറി മാത്യു വർഗീസ്, തിരുവനന്തപുരം മേഖലയിലെ ഐ.പി.സി. ശാലേം അസംബ്ലി വർഷിപ്പ് സെന്റർ, കുറവൻകോണം സഭാംഗമാണ്. നിലവിൽ പി.വൈ.പി.എ. തിരുവനന്തപുരം മേഖല ട്രഷററായി പ്രവർത്തിക്കുന്നു. വെമ്പായം സെന്റർ ജനറൽ കോ-ഓർഡിനേറ്റർ, വെമ്പായം സെന്റർ പി.വൈ.പി.എ. പബ്ലിസിറ്റി കൺവീനർ എന്നീ ചുമതലകളും വഹിക്കുന്നു. എയർക്രാഫ്റ്റ് മെയിന്റനൻസ് എൻജിനീയറിങ്ങിൽ ബിരുദം നേടിയ അദ്ദേഹം ഒരു വ്യവസായിയാണ്. ഭാര്യ: ഷാർലറ്റ് ഡിസൂസ. മകൾ: ഒലീവിയ കൂന്തുപ്പള്ളിൽ മാത്യു
ട്രഷറർ ആശിഷ് വർഗീസ്, ആലപ്പുഴ ഈസ്റ്റ് സെന്ററിലെ കായംകുളം ഐ.പി.സി. എബനേസർ സഭാംഗവും, കായംകുളം പരിപ്രതറയിൽ കുടുംബാംഗവുമാണ് അദ്ദേഹം. ബി.എ. ബിരുദധാരിയാണ്. പി.വൈ.പി.എ. സംസ്ഥാന ജോയിന്റ് കോ-ഓർഡിനേറ്റർ, സംസ്ഥാന സമിതി അംഗം എന്നീ നിലകളിൽ പ്രവർത്തിച്ചിട്ടുണ്ട്. ആലപ്പുഴ മേഖല പി.വൈ.പി.എ. ട്രഷറർ, ടാലന്റ് കൺവീനർ എന്നീ ചുമതലകൾ വഹിച്ചിട്ടുണ്ട്. കൂടാതെ, ഡിസ്ട്രിക്ട് തലത്തിൽ സെക്രട്ടറി, ട്രഷറർ, പബ്ലിസിറ്റി കൺവീനർ, കമ്മിറ്റി അംഗം എന്നീ വിവിധ നിലകളിലും സേവനമനുഷ്ഠിച്ചിട്ടുണ്ട്. ഭാര്യ: ജിജിൻ മേരി ജോൺ (ഏരിയ മാനേജർ, എച്ച്.ഡി.എഫ്.സി.). മക്കൾ: ജെരെമിയ, എസ്തർ
പബ്ലിസിറ്റി കൺവീനർ ഫിന്നി മാത്യു, കോട്ടയം നോർത്ത് സെന്ററിലെ ഐപിസി സീയോൻ ടാബർനാക്കിൾ സഭാംഗമാണ്. മഹാത്മാഗാന്ധി സർവകലാശാലയിൽനിന്ന് ബി.കോം ഏവിയേഷൻ ബിരുദം നേടിയിട്ടുണ്ട്. 2010 മുതൽ നീണ്ട 16 വർഷമായി സെന്റർ പി.വൈ.പി.എ. സമിതി അംഗമായി പ്രവർത്തിച്ചുവരുന്നു. ലോക്കൽ പി.വൈ.പി.എ. പ്രസിഡന്റ്, സെന്റർ പി.വൈ.പി.എ. ട്രഷറർ, സോണൽ പ്രോഗ്രാം കോ-ഓർഡിനേറ്റർ, സംസ്ഥാന പി.വൈ.പി.എ. കമ്മിറ്റിയിലെ മിഷൻ ബോർഡ് ചെയർമാൻ എന്നീ നിലകളിൽ സേവനമനുഷ്ഠിച്ചിട്ടുണ്ട്. നിലവിൽ കോട്ടയം മാർക്കറ്റിൽ ഹോൾസെയിൽ ബിസിനസ് നടത്തിവരുന്നു. ഭാര്യ: ഷെറിൻ ഫിന്നി (ഫുഡ് സേഫ്റ്റി ഓഫീസർ, കടുത്തുരുത്തി). മക്കൾ: കേറ്റ്ലിൻ, ക്യാരീസ്.
ആഗസ്റ്റ് 5നു നടന്ന ജനറൽ ബോഡിയിൽ പീറ്റർ മാത്യു കല്ലൂർ ഇലക്ഷൻ കമ്മീഷണറായും പാസ്റ്റർ സാബു ആര്യപ്പള്ളിൽ, ജോൺസൻ പന്തളം എന്നിവർ റിട്ടേർണിംഗ് ഓഫീസർമാരായും പ്രവർത്തിച്ചു.
