ഡല്ഹി : പ്രധാനമന്ത്രി നരേന്ദ്രമോദി രണ്ടു ദിവസത്തെ സന്ദർശനത്തിനായി ഇന്ന് ഇസ്രയേലിലേക്ക് തിരിക്കും.
ഒമ്പതു മണിക്ക് ഇസ്രയേലിലേക്ക് തിരിക്കുന്ന മോദിക്ക് ഇസ്രയേല് പ്രധാനമന്ത്രി ബെഞ്ചമിൻ നെതന്യാഹുവിന്റെ നേതൃത്വത്തില് സ്വീകരണം നല്കും.
ബെഞ്ചമിൻ നെതന്യാഹുവുമായി മോദി ചർച്ച നടത്തും.
ഇസ്രയേല് പാർലമെന്റിനെ പ്രധാനമന്ത്രി ഇന്ത്യൻ സമയം ഇന്ന് രാത്രി എട്ടു മണിക്ക് അഭിസംബോധന ചെയ്യും.
നാളെ രണ്ടു രാജ്യങ്ങള്ക്കും ഇടയിലെ ഉഭയകക്ഷി ചർച്ച നടക്കും.
സൈനിക, വ്യാപാര മേഖലകളിലെ സഹകരണത്തിനുള്ള കരാറുകളില് ഇരു രാജ്യങ്ങളും ഒപ്പു വയ്ക്കും.
പ്രത്യേക പലസ്തീൻ രാഷ്ട്രം എന്ന നിലപാട് ചർച്ചകളില് ആവർത്തിക്കുമെന്ന് സർക്കാർ വൃത്തങ്ങള് പറഞ്ഞു.
