കൊച്ചി:തൻെറ വാഹനത്തിലേക്ക് എത്തുന്നവരോട് അവരുടെ ഭാഷയിൽ കാര്യം ചോദിച്ചറിയുകയാണ് ടാക്സി ഡ്രൈവർമാർ ചെയ്യുന്നത്.ഇവിടെ അത്തരത്തിലൊന്ന് സംഭവിച്ചു. എന്നാൽ ‘വന്നയാൾ’ ”ഞാൻ വിളിച്ചത് മനസിലായില്ലെയെ”ന്ന് ‘തനി’മലയാളത്തിൽ ചോദിച്ചപ്പോൾ മലയാളിയായ ഡ്രൈവർ അന്ധാളിച്ച് പോയി. വാഹനത്തിൽ കയറിയത് വനിത ജർമ്മൻ സ്വദേശി.നല്ല കോട്ടയത്തുകാരിയെപ്പോലെ മലയാളം വാക്കുകൾ എടുത്ത’ലക്കി’യപ്പോൾ മലയാളി ഡ്രൈവറുടെ ‘കിളി’ പോയി എന്ന് പറഞ്ഞാൽ മതിയല്ലോ.
ലോകത്ത് പല ഭാഷകളുണ്ടെങ്കിലും മലയാളി അത് നിഷ്പ്രയാസം അത് കൈകാര്യം ചെയ്യും.എന്നാൽ നമ്മുടെ മലയാളം പഠിച്ചെടുക്കുകയെന്നത് ഒരു കടുത്ത ടാസ്ക്ക് തന്നെയെന്നാണ്. ഇപ്പോഴിതാ ഒരു ജര്മ്മന് യുവതി വളരെ ഭംഗിയായി മലയാളം സംസാരിക്കുന്ന വിഡിയോ സാമൂഹ്യമാധ്യമങ്ങളില് വൈറലാകുകയാണ്.
ജര്മ്മന് അധ്യാപികയായ ക്ലാര എന്ന യുവതിയാണ് പച്ചവെള്ളം പോലെ മലയാളം സംസാരിച്ചുകൊണ്ട് സോഷ്യല് മീഡിയയില് ശ്രദ്ധനേടുന്നത്. യുവതിയുടെ സംസാരം കേട്ട് അത്ഭുതപ്പെടുന്ന മലയാളിയായ ഡ്രൈവറെ ശബ്ദവും വിഡിയോയില് കേള്ക്കാം.
ഇന്ത്യയില് സ്ഥിര താമസമാക്കിയ ക്ലാര തന്നെയാണ് ഈ വിഡിയോ ഇന്സ്റ്റഗ്രാമില് പങ്കുവെച്ചത്. ജര്മ്മനിയില് മാസ്റ്റേര്സ് പഠിക്കാനെത്തിയ മലയാളി സുഹൃത്തുക്കള് വഴിയാണ് മലയാളം പഠിച്ചതെന്ന് ക്ലാര പറയുന്നു. 5 വര്ഷം മുന്പാണ് മലയാളം പഠനം ആരംഭിച്ചതെന്നും ക്ലാര വിഡിയോയില് പറയുന്നുണ്ട്.
ക്ലാരയുടെ മലയാളം കേട്ട് അത്ഭുതത്തോടെ ഡ്രൈവര് തന്റെ ഭാര്യയെ വിഡിയോകാളില് വിളിച്ച് ക്ലാരയെ പരിചയപ്പെടുത്തുന്നതും കാണാം. കാറിലേക്ക് കയറിയ ക്ലാര ഡ്രൈവറെ മലയാളത്തില് അഭിവാദനം ചെയ്യുന്നു. ഇതുകേട്ട് ഞെട്ടിയ ഡ്രൈവര് താന് മലയാളം പറയുന്ന വിദേശികളെ കണ്ടിട്ടില്ലെന്ന് പറയുന്നുണ്ട്. ക്ലാര തന്നെയാണ് ഈ വിഡിയോ എടുത്തിരിക്കുന്നതും. മലയാളി ഊബര് ഡ്രൈവര്മാരോട് മലയാളത്തില് സംസാരിക്കുമ്പോള് വളരെ ആകാംഷ നിറഞ്ഞ പ്രതികരണമാണ് ലഭിക്കുക. അത്തരം സംഭാഷണം ഒരിക്കല് ചിത്രീകരിക്കണമെന്ന് കരുതി. ക്ലാര വിഡിയയോടൊപ്പം കുറിച്ചു.
