ഒട്ടാവ: ലാന്ഡിങ്ങിനിടെ തീപ്പിടിച്ച് എയര് കാനഡ വിമാനം. കാനഡയിലെ ഹാലിഫാക്സ് വിമാനത്താവളത്തിലാണ് സംഭവം. ആളപായമില്ല.
വിമാനത്തില് നിറയെ യാത്രക്കാരുണ്ടായിരുന്നു. ലാന്ഡിങ് ഗിയര് തകരാറിലായതിനെ തുടര്ന്നാണ് അപകടമുണ്ടായത്. റണ്വേയില് ഇറങ്ങാന് ശ്രമിക്കുന്നതിനിടെ വിമാനത്തിന് തീപിടിക്കുന്നതിന്റെ ദൃശ്യങ്ങള് പുറത്തുവന്നിട്ടുണ്ട്. വിമാനത്തിനുള്ളിൽ എടുത്ത വീഡിയോയാണ് പ്രചരിക്കുന്നത്.
ദക്ഷിണകൊറിയയില് ജെജു എയര്ലൈന്സിന്റെ വിമാനം അപകടത്തില്പെട്ട് നിരവധി പേര് മരണപ്പെട്ട വാര്ത്ത പുറത്തുവന്നതിന് തൊട്ടുപിന്നാലെയാണ് കാനഡയില് നിന്ന് വന് വിമാനദുരന്തം ഒഴിവായതിന്റെ വാര്ത്തകളും പുറത്തുവരുന്നത്. ജെജു എയര്ലൈന്സിന്റെ വിമാനത്തിന്റെ ലാന്ഡിങ് ഗിയര് തകരാറിലായതാണ് അപകടത്തിലേക്ക് നയിച്ചത് എന്നാണ് സൂചനകള്.
ഹാലിഫാക്സ് വിമാനത്താവളത്തില് പൊട്ടിയ ലാന്ഡിങ് ഗിയറുമായി റണ്വേയില് ഇറങ്ങിയതോടെ വിമാനം റണ്വേയില് നിന്ന് തെന്നിമാറുകയും ചിറകുകള്ക്ക് തീപിടിക്കുകയും ചെയ്തു. ഏറെ നേരത്തെ പരിഭ്രാന്തിക്ക് ശേഷം സ്ഥിതിഗതികള് നിയന്ത്രണവിധേയമാക്കി.
