ക്രീപ്പിങ് വാട്ടർ ബഗ്ഗുകളിലെ ഹെലിയോകോറിസ് ജനുസ്സിൽ പെട്ട പുതിയ ഇനം പ്രാണിയെ കണ്ടെത്തി കൊല്ലം ജില്ലയിലെ പത്തനാപുരം സെന്റ് സ്റ്റീഫൻസ് കോളേജിലെ ഗവേഷകർ. ജലോപരിതലത്തിലൂടെ നീന്താൻ കഴിവുള്ള ഇരപിടിയന്മാരായ പ്രാണിവർഗ്ഗമാണ് ഹെലിയോകോറിസ്. പശ്ചിമഘട്ടത്തിൽ നിന്നും ഉത്ഭവിക്കുന്ന കല്ലടയാറ്റിൽ നിന്നുമാണ് ഈ പുതിയ സ്പീഷിസിനെ കണ്ടെത്തിയിട്ടുള്ളത്.
ഇതോടുകൂടി ഈ ജനുസ്സിൽ പെട്ട സ്പീഷീസുകളുടെ എണ്ണം ഇന്ത്യയിൽ 12 ആയി. സുവോളജി ഡിപ്പാർട്മെന്റിലെ അസിസ്റ്റന്റ് പ്രൊഫസറും റിസർച്ച് ഗൈഡും ആയ ഡോ. ശ്രീജയ് ആർ,, ഗവേഷകരായ ഡോ. ഡാനി ബെഞ്ചമിൻ, ഡോ. ആര്യ എം എസ് എന്നിവർ ഉൾപ്പെട്ട സംഘമാണ് ഈ കണ്ടെത്തലിനു പിന്നിൽ.
ആദ്യത്തെ ക്രൈസ്തവ രക്തസാക്ഷിയായ വിശുദ്ധ സ്തേഫാനോസിന്റെ നാമധേയത്തിൽ നിലകൊള്ളുന്നതായ പത്തനാപുരം സെന്റ് സ്റ്റീഫൻസ് കോളേജിനോടുള്ള ആദരസൂചകമായിട്ടാണ് പുതിയ സ്പീഷീസിന് സ്റ്റെഫാനസ് എന്നു നാമകരണം ചെയ്തിട്ടുള്ളത്.
ഡോ. ഡാനി ബെഞ്ചമിൻ , പാസ്റ്റർ വർഗീസ് എം ശാമൂവേലിൻ്റെ (UK) സഹോദരിയുടെ മകനാണ് , കൂടാതെ സി.എയുടെ സജീവ അംഗവും പുനലൂർ ഏ.ജി സഭാംഗവുമാണ്
