അങ്കമാലി: ഇന്ത്യാ പെന്തകൊസ്ത് ദൈവസഭ (IPC) അങ്കമാലി സെന്ററിന് പുതിയ നേതൃത്വം നിലവിൽ വന്നു. കൂട്ടായ പ്രവർത്തനത്തിന് പ്രാധാന്യം നൽകിക്കൊണ്ട്, സഭയുടെ ആത്മികവും സാമൂഹികവുമായ കർമപദ്ധതികൾ കൂടുതൽ ശക്തിപ്പെടുത്തുക എന്ന ലക്ഷ്യത്തോടെയാണ് പുതിയ നേതൃത്വം ചുമതലയേറ്റിരിക്കുന്നത്.
പുതിയ ഭാരവാഹികൾ: പ്രസിഡണ്ട്: പാസ്റ്റർ റോയി ജോർജ്ജ്, വർഷിപ്പ് സെൻ്റർ, വൈസ് പ്രസിഡണ്ട്: പാസ്റ്റർ ജോൺസൺ ജോർജ്ജ്, ചൂണ്ടി, സെക്രട്ടറി: പാസ്റ്റർ ടിഎൽ ഷാജി, ഹോളി സിറ്റി. ജോയിൻ്റ് സെക്രട്ടറി: പാസ്റ്റർ പിജെ രാജു വക്കുവള്ളി, ട്രഷറർ: പാസ്റ്റർ ജെയിംസ് വർഗീസ്, ഇടപ്പള്ളി.
പരസ്പര സഹകരണത്തോടെ മുന്നോട്ടു പോകുമെന്ന് പ്രഖ്യാപിച്ച പുതിയ നേതൃത്വം സെന്ററിലെ സഭകളുടെ ആത്മീയ വളർച്ചയ്ക്കും സുവിശേഷ പ്രവർത്തനങ്ങളുടെ പുരോഗതിക്കും ഊന്നൽ നൽകിക്കൊണ്ട് പ്രവർത്തിക്കുമെന്ന പ്രതീക്ഷയിലാണ് വിശ്വാസസമൂഹം.
ഒരുമയിൽ ശക്തി, കൂട്ടായ്മയിൽ വളർച്ച, ദൈവശുശ്രൂഷയിൽ വേഗമേറിയ മുന്നേറ്റം എന്ന ആപ്തവാക്യത്തോടെ ഐപിസി അങ്കമാലി സെന്റർ പുതിയൊരു അധ്യായത്തിലേക്ക് പ്രവേശിക്കുകയാണ്.
