നവീന് ബാബുവിന്റെ മരണത്തില് സിബിഐ അന്വേഷണത്തിന് ശുപാര്ശ ചെയ്യാന് സംസ്ഥാന സര്ക്കാര് തീരുമാനിച്ചു. ഇത് സംബന്ധിച്ച വിജ്ഞാപനം ഉടന് പുറത്തിറങ്ങും.
പൊലീസ് അന്വേഷണത്തില് തൃപ്തിയില്ലെന്ന് ചൂണ്ടിക്കാണിച്ച് നവീന് ബാബുവിന്റെ കുടുംബം സിബിഐ അന്വേഷണം ആവശ്യപ്പെട്ടിരുന്നു. എന്നാല് കഴിഞ്ഞ സര്ക്കാര് ഈ ആവശ്യം പരിഗണിച്ചിരുന്നില്ല. ഇതേ തുടര്ന്നാണ് പുതിയ സര്ക്കാര് നവീന് ബാബുവിന്റെ മരണത്തില് അന്വേഷണം സിബിഐയ്ക്ക് വിടാന് തീരുമാനിച്ചത്. പഴകുളം മധു എംഎല്എ നവീന് ബാബുവിന്റെ മരണം സിബിഐ അന്വേഷിക്കണമെന്ന ആവശ്യവുമായി സര്ക്കാരിനെ സമീപിച്ചിരുന്നു.
2024 ഒക്ടോബര് 15 നാണ് നവീന് ബാബുവിനെ പള്ളിക്കുന്നിലെ താമസസ്ഥലത്ത് തൂങ്ങിമരിച്ച നിലയില് കണ്ടെത്തിയത്. നവീന് ബാബുവിന് യാത്രയയപ്പ് നല്കുന്ന പരിപാടിയിലേക്ക് അപ്രതീക്ഷിതമായി ജില്ലാ പഞ്ചായത്ത് പ്രസിഡന്റായിരുന്ന പി പി ദിവ്യ എത്തുകയും കളക്ടര് അരുണ് കെ വിജയന്റെ സാന്നിധ്യത്തില് വിമര്ശനം ഉന്നയിക്കുകയും ചെയ്തിരുന്നു. ഇതില് മനംനൊന്ത് നവീന് ബാബു ആത്മഹത്യ ചെയ്തുവെന്നാണ് കേസ്. കേസില് പി പി ദിവ്യ മാത്രമാണ് പ്രതി.
