കൊച്ചി: എസ്എന്ഡിപി യോഗം ജനറല് സെക്രട്ടറി സ്ഥാനത്തു നിന്നും വെള്ളാപ്പള്ളി നടേശനെ ഹൈക്കോടതി നീക്കി. അന്തരിച്ച പ്രൊഫ. എം കെ സാനു അടക്കമുള്ളവര് സമര്പ്പിച്ച ഹര്ജിയിലാണ് ഉത്തരവ്. കമ്പനി നിയമപ്രകാരമുള്ള നടപടികള് പാലിച്ചിട്ടില്ലെന്ന കണ്ടെത്തലിന്റെ അടിസ്ഥാനത്തിലാണ് കോടതി നടപടി. മുഴുവൻ ബോർഡ് മെമ്പർമാരെയും അയോഗ്യരാക്കി. തുഷാര് വെള്ളാപ്പള്ളിയെയും തല്സ്ഥാനത്ത് നിന്ന് നീക്കി.
സംഘടനയിലെ ക്രമക്കേടുകളുടെ പശ്ചാത്തലത്തില് വെള്ളാപ്പള്ളി നടേശനെ അയോഗ്യനാക്കണമെന്നും, ജനറല് സെക്രട്ടറി പദവിയില് നിന്നും നീക്കണമെന്നുമാണ് ഹര്ജിയില് ആവശ്യപ്പെട്ടിരുന്നത്. എസ്എന്ഡിപി തെരഞ്ഞെടുപ്പുമായി ബന്ധപ്പെട്ട കേസിലാണ് ഹൈക്കോടതി ഉത്തരവ്. എസ്എന്ഡിപി യോഗം ഡയറക്ടര്മാരേയും അയോഗ്യരാക്കി.
കണക്കുകള് ഹാജരാക്കാത്തതാണ് കാരണം. വിമതവിഭാഗം നല്കിയ ഹര്ജിയിലാണ് ഉത്തരവ്. മൂന്നു വര്ഷമായി ഓഡിറ്റ് അക്കൗണ്ട് ഹാജരാക്കിയില്ല. കമ്പനി ആക്ട് പ്രകാരം നടപടി പൂര്ത്തീകരിക്കാത്തത് തിരിച്ചടിയായി. ഹര്ജിയില് വിശദമായ വാദം കേട്ട ശേഷമാണ് വെള്ളാപ്പള്ളിയെ അയോഗ്യനാക്കി ജസ്റ്റിസ് ടി ആര് രവിയുടെ ഉത്തരവ്. നിയമപ്രകാരം വെള്ളാപ്പള്ളി നടേശന് ജനറല് സെക്രട്ടറിയായി തുടരാന് അര്ഹതയില്ലെന്ന് കോടതി വിലയിരുത്തി. കാത്തിരുന്ന വിധിയെന്ന് വിദ്യാസാഗര് പ്രതികരിച്ചു.
