അമേരിക്കയുടെ അധിക തീരുവ നിലവില് വന്നതോടെ രൂപയുടെ മൂല്യത്തില് റെക്കോർഡ് തകർച്ച. ചരിത്രത്തിലെ ഏറ്റവും താഴ്ന്ന നിലയിലെത്തി.
ഡോളറിന് എതിരെ മൂല്യം 88.29 ആയി ഇടിഞ്ഞു. ഫെബ്രുവരിയിലെ 87.95 ആയിരുന്നു ഇതുവരെയുള്ള താഴ്ന്ന നിലവാരം. ഇന്ത്യയ്ക്ക് മേല് അമേരിക്ക 50 ശതമാനം തീരുവ ചുമത്തിയതാണ് രൂപയുടെ മൂല്യത്തിന് തകർച്ചയ്ക്ക് കാരണമായത്.
രാവിലെ 87.70 നിലവാരത്തിലായിരുന്നു വ്യാപാരം ആരംഭിച്ചത്. ഉച്ചയോടെയാണ് 88.28 എന്ന നിലവാരത്തിലേക്ക് രൂപയുടെ മൂല്യം താഴ്ന്നത്. വിദേശ നിക്ഷേപകർ ഇന്ത്യൻ ഓഹരികള് വിറ്റഴിച്ചതും തിരിച്ചടിയായി. ഡോളറിനെതിരെ രൂപയുടെ മൂല്യം ഇടിയുമ്ബോള് കയറ്റുമതി മേഖലയ്ക്ക് നേട്ടമുണ്ടാകേണ്ടതാണ്. എന്നാല് ട്രംപിന്റെ അധിക തീരുവ മൂലം ആ നേട്ടം ഇല്ലതായി. അതേസമയം ഇറക്കു ചെയ്യുന്ന വസ്തുക്കള്ക്ക് രാജ്യത്ത് അധിക വില നല്കേണ്ടി വരും. ഇത് പണപെരുപ്പം അടക്കമുള്ള സാഹചര്യങ്ങള്ക്ക് ഇടയാക്കും.
എന്നാല് വിദേശത്ത് നിന്ന് പണം അയക്കുന്ന സമയത്ത് ഇതിന്റെ നേട്ടം ലഭിക്കും. ഐടി ഉള്പ്പെടെയുള്ള മേഖലയ്ക്ക് മൂല്യമിടിവ് നേട്ടമുണ്ടാക്കും. ആറ് പ്രധാന കറൻസികള്ക്കെതിരായ ഡോളർ സൂചിക 0.19 ശതമാനം ഉയർന്ന് 98ല് എത്തി.
