വഖഫ് ഭേദഗതി നിയമത്തിനെതിരായ മുർഷിദാബാദിലെ പ്രതിഷേധത്തിനിടെ പിതാവും മകനും ഉള്പ്പെടെ മൂന്നുപേർ കൊല്ലപ്പെട്ടു.
മുസ്ലീം ഭൂരിപക്ഷ പ്രദേശമായ മുർഷിദാബാദ് ജില്ലയില് വെള്ളിയാഴ്ച പൊട്ടിപ്പുറപ്പെട്ട അക്രമവുമായി ബന്ധപ്പെട്ട് ഇതുവരെ 118-ലധികം പേരെ അറസ്റ്റ് ചെയ്തിട്ടുണ്ട്, വിവിധ സ്ഥലങ്ങളില് പോലീസ് റെയ്ഡുകള് തുടരുകയാണ്. അതിനിടെ അക്രമികള് വീട് കൊള്ളയടിച്ചതായിട്ടും റിപ്പോർട്ടുണ്ട്.
അക്രമാസക്തമായ പ്രതിഷേധങ്ങള്ക്കിടയില്, പശ്ചിമ ബംഗാള് മുഖ്യമന്ത്രി മമത ബാനർജി വഖഫ് ഭേദഗതി നിയമം സംസ്ഥാനത്ത് നടപ്പാക്കില്ലെന്ന് പ്രഖ്യാപിച്ചു , വഖഫ് നിയമത്തിനെതിരായ പ്രതിഷേധങ്ങളെ തുടർന്ന് സംസ്ഥാനത്തെ നിരവധി പ്രദേശങ്ങള്, പ്രത്യേകിച്ച് ന്യൂനപക്ഷ ആധിപത്യമുള്ള മുർഷിദാബാദ് ജില്ലയിലെ നിരവധി പ്രദേശങ്ങള്, കഴിഞ്ഞ കുറച്ച് ദിവസങ്ങളായി തിളച്ചുമറിയുന്ന സമയത്താണ് ഈ പ്രഖ്യാപനം.
ശനിയാഴ്ച ജാഫ്രാബാദ് ഗ്രാമത്തില് അക്രമാസക്തരായ ജനക്കൂട്ടം ഒരു അച്ഛനെയും മകനെയും വെട്ടിക്കൊലപ്പെടുത്തിയതായി പോലീസ് വൃത്തങ്ങള് അറിയിച്ചു. സംസർഗഞ്ച് പ്രദേശത്ത് ഒരാള് വെടിയേറ്റ് മരിച്ചതായിട്ടുമാണ് റിപ്പോർട്ട്.
സോഷ്യല് മീഡിയയില് പ്രചരിക്കുന്ന കിംവദന്തികള് വിശ്വസിക്കരുതെന്നും സമാധാനം നിലനിർത്തണമെന്നും അഡീഷണല് ഡയറക്ടർ ജനറല് ഓഫ് പോലീസ് (എഡിജി) ജാവേദ് ഷമീം പറഞ്ഞു. പശ്ചിമ ബംഗാളില് ഈ നിയമം നടപ്പാക്കില്ലെന്ന് ആവർത്തിച്ച് വ്യക്തമാക്കിയ മുഖ്യമന്ത്രി മമത ബാനർജി, കേന്ദ്രസർക്കാരാണ് നിയമം പാസാക്കിയതെന്നും അവരോട് ചോദ്യങ്ങള് ചോദിക്കണമെന്നും പറഞ്ഞു.
വഖഫ് നിയമത്തിനെതിരെ പ്രതിപക്ഷം പ്രതിഷേധം നടത്തുമ്ബോള്, ബിജെപി ഏപ്രില് 20 മുതല് മെയ് 5 വരെ ‘വഖഫ് പരിഷ്കരണ ബോധവല്ക്കരണ കാമ്ബയിൻ’ ആരംഭിച്ചിട്ടുണ്ട്. വഖഫ് നിയമത്തിന്റെ നേട്ടങ്ങള് മുസ്ലീം സമൂഹത്തിന് എങ്ങനെയെന്ന് ഈ സംരംഭം വിശദീകരിക്കും.
