വാഷിംഗ്ടണ് ഡിസി: അമേരിക്കയുടെ സൈനിക റീഫ്യുവലിംഗ് വിമാനം ഇറാക്കില് തകർന്നുവീണതായി യുഎസ് സെൻട്രല് കമാൻഡ് സ്ഥിരീകരിച്ചു.
പടിഞ്ഞാറൻ ഇറാക്കിലെ എയർ സ്പേസില് വച്ചാണ് അപകടമുണ്ടായതെന്നാണ് റിപ്പോർട്ട്. എന്നാല് ഇത് വെടിവയ്പില് തകർന്നതല്ലെന്നാണ് യുഎസ് സെൻട്രല് കമാൻഡ് അറിയിച്ചിരിക്കുന്നത്.
പൈറ്റലിനേയും വിമാനത്തിലുണ്ടായിരുന്ന മറ്റ് ജീവനക്കാരേയും കുറിച്ചുള്ള വിവരങ്ങള് ലഭ്യമായിട്ടില്ല. രക്ഷാപ്രവർത്തനം പുരോഗമിക്കുകയാണെന്നാണ് റിപ്പോർട്ട്. രണ്ട് കെസി-135 റീഫ്യുവലിംഗ് വിമാനങ്ങളാണ് അപകട സമയത്ത് ഉണ്ടായിരുന്നതെന്നും ഇതില് ഒന്ന് സുരക്ഷിതമായി ലാൻഡ് ചെയ്തിട്ടുണ്ടെന്നും മറ്റൊന്ന് പടിഞ്ഞാറൻ ഇറാക്കില് തകർന്ന് വീണെന്നുമാണ് സെൻട്രല് കമാൻഡ് പ്രസ്താവനയില് അറിയിച്ചത്.
ഫെബ്രുവരി 28-ന് യുഎസും ഇസ്രയേലും ഇറാനെതിരേ ആക്രമണം ആരംഭിച്ചതിനുശേഷം ഏഴ് യുഎസ് സൈനികർ കൊല്ലപ്പെട്ടതായാണ് റോയിട്ടേഴ്സ് റിപ്പോർട്ട് ചെയ്യുന്നത്.
