ഡൽഹി ഗ്രേയ്റ്റർ നോയിഡയിൽ ഇന്ന് (മാർച്ച് 9) ആരംഭിക്കുന്ന ഹാർവെസ്റ്റ് ഫെസ്റ്റിവൽ മിഷൻ ഡയറക്ടർ റവ. ബാബു ജോൺ ഉൽഘാടനം ചെയ്യും. ഹാർവെസ്റ്റ് മിഷൻ കോളജ് പ്രിൻസിപ്പൽ റവ. ബിജു ജോൺ ഫെസ്റ്റിവലിന് നേതൃത്വം നൽകും.
ഒരാഴ്ച നീണ്ടുനിൽക്കുന്ന ഉത്തരേന്ത്യയിലെ ഈ മഹാ സമ്മേളനം 15 ന് വിശുദ്ധസഭായോഗത്തോടും കർതൃമേശയോടും കൂടി സമാപിക്കും. ഇന്ത്യയുടെ വടക്ക് കിഴക്കൻ സംസ്ഥാനങ്ങളിൽ നിന്നായി 1500-ഓളം വിശ്വാസികൾ ആരാധനയിൽ പങ്കെടുക്കും.
അന്ന് നാലു മണിക്ക് കോളജിൻ്റെ ഗ്രാഡ്വേഷൻ സർവ്വീസും നടക്കും. ഈ വർഷം പഠനം പൂർത്തിയാക്കിയ കുട്ടികൾക്ക് റവ. ബാബുജോണും റവ. ബിജു ജോണും ചേർന്ന് സർട്ടിഫിക്കറ്റുകൾ വിതരണം ചെയ്യും.
പാസ്റ്റർ രാജു മേത്ര, റവ. റോജി ടി. ജോർജ്, ഡോ. ഓമന റസ്സൽ, അനിൽ കൊടിത്തോട്ടം എന്നിവരാണ് മുഖ്യ പ്രസംഗകർ.
