വാഷിംങ്ടണ്: അമേരിക്കയില് സർക്കാർ ഷട്ട് ഡൗണ് തുടരും. അടച്ചുപൂട്ടല് ഇരുപത്തിയൊന്നാം ദിവസത്തിലേക്ക് കടക്കുമ്ബോള് ജനജീവിതം പൊറുതിമുട്ടിയിരിക്കുകയാണ്.
സെനറ്റില് ഇന്ന് അവതരിപ്പിച്ച ധനാനുമതി ബില്ലും പരാജയപ്പെട്ടു. ഇത് തുടർച്ചയായി പതിനൊന്നാം തവണയാണ് ബില് പരാജയപ്പെടുന്നത്. ലക്ഷക്കണക്കിന് സർക്കാർ ജീവനക്കാർക്ക് ശമ്ബളം ലഭിക്കാത്തത് വലിയ പ്രതിസന്ധി സൃഷ്ടിച്ചിരിക്കുകയാണ്. അതേസമയം, 20 മില്യൻ ജനങ്ങള്ക്കുള്ള ആരോഗ്യ ഇൻഷുറൻസ് നികുതി ഇളവുകള് അനിവാര്യമെന്ന് ഡെമോക്രാറ്റ് പാർട്ടി പ്രതികരിച്ചു. ധനാനുമതി ബില്ലില് ഉള്പ്പെടുത്താൻ കഴിയില്ലെന്ന് റിപ്പബ്ലിക്കൻ പാർട്ടിയും പ്രതികരിച്ചു.
സർക്കാർ ചെലവുകള്ക്കായുള്ള ധനാനുമതി ബില് പാസാകാതെ വന്നതോടെ അമേരിക്ക അടച്ചുപൂട്ടല് പ്രഖ്യാപിച്ചതോടെ വിവിധ മേഖലകള് സ്തംഭിച്ച അവസ്ഥയിലാണ്. സെനറ്റില് അവതരിപ്പിച്ച ധനാനുമതി ബില്ല് പരാജയപ്പെട്ടതോടെയാണ് അവശ്യ സർവീസുകള് ഒഴികെയുള്ള എല്ലാ സർക്കാർ സ്ഥാപനങ്ങളുടെയും പ്രവർത്തനം സ്തംഭിച്ചത്. സര്ക്കാര് സേവനങ്ങള് നിലയ്ക്കുന്നത് സാധാരണക്കാരേയും ബാധിക്കുകയാണ്. പുതിയ സാമ്ബത്തിക വർഷത്തേക്ക് ഫണ്ട് അനുവദിക്കുന്ന ബില് ഒക്ടോബർ ഒന്നിന് മുൻപ് യു എസ് കോണ്ഗ്രസ് പാസാക്കുന്നതാണ് അമേരിക്കയിലെ രീതി. ഇത്തവണ ഭരണപക്ഷമായ റിപ്പബ്ലിക്കൻ പാർട്ടിക്കും പ്രതിപക്ഷമായ ഡെമോക്രാറ്റുകള്ക്കും സെനറ്റില് സമവായത്തില് എത്താനായില്ല. ഇതോടെയാണ് രാജ്യം അടച്ചുപൂട്ടലിലേക്ക് നീങ്ങിയത്.
